I te 14 nö Eperëra 1996, ua tuu atu te Peretiteni Wallace B. Smith i teie rata arataìraa i tö te Apooraa rahi, te mau pupu, te mau âpooraa e te mau hiva ö te Etaretia i te mahana i muri iho. Ua mäìti te mau raumaire ö te Apooraa rahi e ua faaoti ia tuuhia atu teie puè-parau i roto i te Puta Haapiiraa faaroo. Ua piahia te rata òrometua tei faahitihia i roto i teie puè-parau i roto i te mau ture e te mau faaotiraa mana – faaravaìraa nö te matahiti 1996.
Ua faatöràhia ò Grant Mc Murray i te 15 nö Eperëra 1996 èi Peretiteni nö te Autahuàraa Rahi e èi Perofeta, èi Hiò èi Tino Heheu nö te Etaretia. I te mahana i muri iho, ua tuu mai te Peretiteni Mc Murray i te tahi rata nö te faaâpiraa i te Hiva nö te Peretiteniraa mätämua e ua rave atoà i te tahi mau tauiuiraa i roto i te Tino Ahuru mä piti, e nä reira atoà i roto i te Epitöporaa faatere.
Ua ani mai ò ia èiaha teie mau faaueraa nö te tauiuiraa i te mau mero nö terä e terä pupu ia tuuhia atu i roto i te Puta fafau e te mau haapiiraa faaroo, a riro te reira i te faataupupü i te mau faaueraa mau e te mau haapiira tumu ä te Etaretia i roto i te puèparau moà.
I tö te mau Apooraa, te mau Apooraa faatere, te mau Hiva, e i tö te Apooraa Rahi :
1
Ei haapäpüraa i te mau faaueraa nö roto mai i te rata òrometua nö te 19 nö tetepa 1995 ra e i muri aè i te faatöroàraa-hia te mono nö te Peretiteni, te piihia nei tö ù tävini ò W. Grant Mc Murray ia faatöroà-vave-hia èi Perofeta, Hiò e Tino Heheu e èi Peretiteni nö te Autahuàraa rahi ö te Etaretia, e ia tämau-ä te Etaretia i te färii i te mau aòraa mata-ara ä te Perofeta nä roto atu i tö ù nei Värua.
2
E i muri aè i te faatöroàraahia tö na mono, e vaiihohia ïa ò Wallace B. Smith i tä na ra mau höpoià Peretiteni e ia faatura-tuhaa-hia ò ia mä te piiraa ia na ë Peretiteni hanahana.
3
Ia haamauhia ïa teie ia au i tö ù nei hinaaro, e ua tae hoì te mau mea i tïtauhia nö te monoraa i te Peretiteniraa ö tä ù Etaretia i te vairaa, e ia nä reira hia ïa e tià ai. Amene.
Tö òutou Tävini,
Wallace B. Smith,
Peretiteni nö te Etaretia
Initipeniteni, Mituri
I te 14 nö Eperëra 1996